「維園霆鋒」龍心（林克霖）繼上周在電台節目中涉非禮女嘉賓主持後，前晚在維園六四燭光晚會中，竟肆無忌憚公然自瀆，侮辱莊嚴場合，目睹事件經過的有線《怪談》主持岑寶兒（阿夢），不屑其行為挺身而出到警署報警求助，以證她今次遇到的不是《怪談》個案。
前晚18萬有心人參加維園六四燭光晚會，岑寶兒跟朋友一同出席，阿夢繼早前拍《怪談》撞鬼後，在莊嚴的燭光晚會遇到比撞鬼更恐怖的事，竟遇上「維園霆鋒」龍心在她面前自瀆。
目擊途人四散
阿夢不甘受辱，凌晨12時許到將軍澳警署報警，她氣憤的說：「我當時喺草地專心聽李卓人講嘢，突然有人喺右邊衝過嚟，不斷大叫『fxxkyou』，過咗一陣我左邊啲人散開，就見到呢個標奇立異嘅人攞住碌竹係咁fing，一隻手揸住部機自拍，我身邊啲女仔嚇到走開，我冇走，佢突然踎喺我面前，我唔識佢但認得佢係邊個，跟住就見佢隻手喺褲頭撩幾下，繼而伸手入褲裏面，我好驚，佢仲問我『你驚乜X嘢呀？』，我啲朋友同佢眼神對峙咗一陣，佢就用攝錄機影我哋，佢隻手一直喺褲裏面幾分鐘。」
散會後龍心繼續舞棍，阿夢形容他如鬼上身發癲，她覺得受辱遂在凌晨12時許到將軍澳警署報案：「我覺得好不安，我親眼目睹有個男人喺我面前自瀆，佢冇掂過我，唔知算唔算非禮我。」阿夢覺得此人蔑視女性，以不尊重女性來出位，實在過份。
記者昨到東涌龍心寓所直接問他有否做出自瀆行為，龍心回答：「我只係將蠟燭同手機放入褲裏面自拍啫！」蠟燭仍點着如何放入褲內？龍心謂當時蠟燭已熄，問到他可有見到阿夢？龍心說：「講真可能有啲係分身做嘅，我唔知，亦都問唔番佢哋。」
承認曾下體
那有否在維園做過猥褻行為？龍心說：「我就唔會，可能係下春袋，春袋都唔得呀？」龍心還即場示範，又做出自瀆動作來表達兩者有分別。而警方證實已收到一名女子報案，現列為維園雜項事件處理。
採訪、攝影：李偉民、譚志輝、梁偉權
維園霆鋒維園自瀆示意圖
