「維園霆鋒」龍心（真名林克霖）上周在香港人網節目中疑非禮性感女郎仙樂都（藝名吳堯堯，英文名YoYo）。受害人昨日在律師及主持人愛明陪同下到灣仔警署報案，YoYo表示當時好驚，揚言不會姑息壞份子；龍心則反指女方博出位，強調雙方你情我願。
中泰混血兒吳堯堯，上周六凌晨被邀為蕭若元創辦的香港人網節目《星期5冇女2》做性感女郎，當日是她生日，一心希望以火辣低胸裝取悅觀眾博收視，怎料惹來龍心垂涎，公然在節目上揩籮摸胸，令她極度不安。
「聞到佢一陣酒味」
YoYo前晚由泰國返港，與人網商量後決定報警求助，昨午4時半，身穿西裝褸加短褲的YoYo由一名女律師、一男一女事務所職員及人網主持人愛明陪同下現身灣仔警署。YoYo憶述事發經過仍猶有餘悸，她說：「梗係好驚！拍完我個pat之後，我已經搵位閃開，但都拍到胸側邊，如果唔係成個胸揸住呀！」
龍心：發姣博上位
在鏡頭前笑晒口的YoYo，自言有苦自己知：「係live節目，如果唔係丟咪同監製講啦。間場時段，佢已經箍住我條頸，聞到佢一陣酒味。之後又問我攞電話，我咪畀個999加夠八個字嘅電話畀佢，點知畀佢發現，都唔知真癲定假儍！」YoYo坦言是因為見到岑寶兒目擊龍心在六四晚會上自瀆，令她下定決心要報案，她說：「唔想再有人受害，希望法律制裁佢。」事件後節目無限期停播，連網上重溫都被cut，YoYo亦覺得可惜。至晚上7時半，YoYo才離開警署，表示約了人食飯。
前日龍心接受本報訪問，又有另一番解說，他說：「擺到明條女發晒姣想上位，挨埋嚟fing晒（胸），又扭晒籮咁。」他認為有人趁機博出位，他說：「我慢動作拍到佢，唔知係咪拍到佢波底定籮柚，咁都叫抽水？玩之嘛，家係佢抽我水，紅晒啦！」問到女方有沒有表達唔想？他說：「冇喎，佢笑晒嘅，幾開心，我哋搞氣氛之嘛。你唔想……呢啲就叫非禮囉！」
此外，香港人網昨日亦發聲明，表示事件已進入法律程序，現階段不作任何評論，蕭若元則透過公關表示沒有補充。
採訪：溫敏芝
攝影：陳順禎
