【本報訊】雷曼迷債令本港政、商及娛樂圈中人損手爛腳，有傳「歌神」張學友勁蝕4,000萬；自稱幾乎蒸發成副身家的林建明，至今對銀行獲允許出售雷曼產品餘怒未消，但認為就算譴責任志剛也於事無補。
盛傳政、商界雷曼苦主眾多，娛樂圈也是重災區，有傳監製趙增熹及藝人曾志偉等也有虧蝕。林建明更曾上街參與雷曼苦主大遊行。林建明昨憤言：「我覺得香港政府、立法會、金管局所有人都不知所謂，譴責有乜作為呢？佢哋應該全部接受教育，認識清楚嗰啲係乜嘢投資至可以放出嚟市場」。
2501個案未獲賠償
她續稱，「根本佢哋都未知係乜，原來呢啲衍生工具、掛鈎票據，個形式係搵笨，贏只贏粒糖，輸就輸間廠，如果佢哋清楚講畀人知，仲邊有人落叠？」她說事到如今，「叫邊個落台都冇關係，譴責都於事無補，調查都戇居嘅」。
雷曼小組成員甘乃威昨稱，近3萬名投資者已獲賠償86億元，但仍然有2,501個個案未有任何賠償。金管局則稱，這些個案已完成調查，但未有足夠理據支持採取紀律行動，意味不會作出賠償。