紅魔一出手便知有沒有。紅魔曼聯喺剛結束嘅球季於英超衞冕失敗，屈居亞軍之餘，仲「四大皆空」，梗係要力圖振作啦！喺噚日，佢哋就公佈咗今夏首位羅致嘅球員，就係之前傳咗好耐會來投嘅日本國腳香川真司（圖）嘞！雖然曼聯冇公佈23歲嘅香川真司由德甲多蒙特來投嘅轉會費，但德國傳媒指轉會費要成1,700萬鎊（約2億港元）；而只要香川真司通過體測兼獲得工作證，就會正式成為紅魔一員。香川真司呢兩屆喺多蒙特踢到曉飛，仲成為球隊奪得德甲德盃「雙料冠軍」嘅功臣，加上佢係日本球員，可以進一步協助紅魔開拓亞洲巿場，曼聯今次成功羅致佢，絕對係明智之舉。