夏日炎炎，又是模出動的時候，擁33C上圍、有翻版鄧麗欣之稱的郭穎兒（Celia），將接拍改編自網上小說《東莞的森林》的電影《一路向西》，除了進軍影壇，早前她又到泰國布吉拍攝寫真，除穿上內衣和泳衣等指定服裝外，還有令人意想不到的甫士，她笑說：「我好信得過攝影師，佢叫我擺乜嘢甫士全部照做，會令人有好多幻想空間。」
自信寫真無敵手
Celia透露拍攝前特別進食豐胸食品，令胸部微升半cup，她說：「因為唔敢亂試藥，平時只敢飲木瓜奶，後來經朋友介紹下知道一條豐胸秘方，係將黃豆磨碎再加入芝麻同奶，飲咗一個月覺得有少少成效，雖然只係升咗半cup，但我會keep住飲。」
今年有不少模加入寫真戰團，Celia自信贏面好大，她說：「今年大部份都係新人，我睇咗自己本寫真初稿，真係覺得幾靚，所以好有信心。」同公司的鍾采羲（Iris）和曾善美（MeiMei）等也會出寫真，問Celia覺得誰是強敵？她說：「我哋個個唔同風格，講好咗會互相買大家嘅寫真，只存在良性競爭。」
採訪：張俊銘
攝影：陳志嵐
Profile
姓名：郭穎兒（Celia）
三圍：33C、24、33
身高：5呎4吋
體重：95磅
工作：now電視節目主持，今年將會推出首本寫真集及拍攝電影《一路向西》。