恒基地產（012）主席李兆基昨日表示買股好過買樓。不過，觀察「四叔」近年預測股樓的往績，似乎唔準多過準，投資者是否跟隨「四叔」，實在要諗過先。
先計股市，08年初，他預測恒指可見36000點，年內他六番測市次次估錯，直至12月輸到投降。翌年4月下旬，他指出恒指回落至12000點始買貨，年底上望2萬點，結果錯失買貨機會，但卻成功達到預測目標價。
到09年中他表示，2萬點開始每1000點沽貨10%，直至25000點為止，結果恒指於2010年11月上試25000點便已見頂，令四叔成功威一次。
不過去年開始，「四叔」效應再次失靈。去年8月中，他預測恒指最快今年可上試3萬點，恒指昨日以18259點收市，暫時看來難以兌現；直至去年11月，四叔表示港股表現難以估計，指若歐債解決，大市會短期內急升，否則便急跌，似乎未能為股民指點迷津。
錯估大陸熱錢不炒樓
雖然李兆基以賣樓起家，但樓市預測方面，準繩度亦不比股市準確。09年5月，他預測熱錢不會流入樓市，但其後中長線樓市表現明顯比股市更強，亦獲內地熱錢炒作。他於2010年10月以將來有太多供應為由，預測樓市趨平淡市，結果樓市因新供應不足，屢創癲價成交。去年8月及11月，他繼續維持「貨多市不爽」的看法。