馮寶寶噚日去亞視接受節目《亞視百人》嘅訪問，佢老公「大馬四哥」都有陪住佢，兩公婆真係好恩愛！見寶寶姐瘦咗唔少，原來佢早前入過兩次醫院，寶寶姐話：「我瘦咗成十磅，因為胃酸倒流，第一日好辛苦，咳到唞唔到氣，喉嚨痛到吞唔到口水，於是我祈禱，第二日就冇咁痛。」問寶寶姐有冇興趣再拍劇？佢望一望個天就話：「等老闆話事！」