Moiselle太子爺陳柏熹（Harris）與何嘉莉合資在銅鑼灣開樓上時裝店，今日正式開幕。昨日Harris在舖中接受本報記者訪問，透露每人投資逾50萬，向來疼愛他的陳媽媽已事先聲明「同朋友做生意，唔好諗住會有開心結局」，不過Harris認為只要數目分明、互相溝通，朋友也可以是生意夥伴。
陳柏熹在英國LondonCollegeofFashion修讀時裝管理系，返港後協助打理家族時裝品牌Moiselle完全不感到意外，但現年25歲的他，決心要向外闖，用辛苦儲起的50萬打造自己的小天地，更邀得好友兼形象指導、前英皇歌手何嘉莉開設樓上時裝店DourStudio，成為生意夥伴。
花九個月籌備
Harris用了九個月時間籌備新舖，現時已經有十二個不同的時裝、飾物品牌，他說：「其實我上年4月有呢個構思，不過9月先落手做，好清楚成件事點run，有方向去搵都唔會太難。」
被怨乜都話靚
父母批准Harris賺外快，條件是他不可以荒廢Moiselle的工作，Harris說：「佢哋話如果我突然消失咗，水平跌咗就唔得，雖然家係兩邊走，但我唔覺辛苦，因為呢度係我興趣，家蒲少咗、玩少咗，朋友想搵我都會上嚟，反而我好輕鬆、好開心。」
好友合資做生意最後反目收場的例子太多，陳媽媽也事前提點，向來重朋友的Harris說：「我會先小人後君子，所有錢銀嘢清清楚楚，方向嗰啲可以夾啫，我哋已經事前講好底線。」問兩人可曾意見分歧？Harris說：「我個人唔鍾意嗌交，唯一佢怨過我，話我乜都覺得靚，佢個人急，我會叫佢睇定啲先去做。」
採訪：盧妹
攝影：黃偉雄
