效力中超球隊廣州恒大嘅巴西中場達里奧干卡（孔卡、圖）近排似乎諸事不順，喺早前因為炮轟恒大前教練李章洙，就被罰100萬人仔；而喺日前，據巴西《環球體育》報道，孔卡喺巴西里約熱內盧嘅大宅，遭賊人光顧，雖然仍未知道損失幾多財物，但最慘嘅係，可能連佢奪得嘅巴甲冠軍獎牌同埋巴甲最佳球員獎座呢啲咁有紀念價值嘅嘢，都俾人偷埋！