劉心悠早前去咗曼谷為一女性潔膚品牌拍外景，為配合美白比堅尼位嘅主題，要吊帶背心及熱褲上陣。心悠同媽咪同一日生日，啱啱撞正拍攝期，所以佢請埋媽咪去泰國一齊慶祝，點知工作人員為佢哋搞咗神秘派對，搞到心悠感動到差啲流眼淚。另外，心悠前晚入咗無綫錄影《環遊世界明星賽》，佢話如果贏到雙人環遊世界機票會同媽咪一齊去。