曾幾何時，藍帶白底的膠底人字拖是屋邨街坊的時裝，經過一眾潮人及各界時裝品牌追捧後，升呢變潮物。別以為人字設計玩不出花樣來，單是顏色已有淨色、撞色、混色等玩法，加埋膠底、厚底，各適其適，同樣追得上時裝界的步伐。
記者：陳子穎
攝影：楊錦文
模特兒：田代麻衣@JamCast
靚甲加靚拖
人字拖的款式雖然已經有很多選擇，不過，加埋一雙靚腳甲，就更加錦上添花。鍾情單色拖鞋款，卻不甘於平凡者，大可髹上玩味的豹紋甲。個人推介YSL今夏上架的爆裂甲油，兩個輕鬆步驟，就可極速做到爆裂效果，就算出門才想起未塗甲油，也可立即塗上，三秒速乾！另外，若人字拖款本身已玩撞色，腳甲油亦可依據拖鞋的顏色來個對對碰。相反若拖鞋款本身已七彩繽紛，只塗單色甲油則經已很搶眼了。
創意丁字帶
以前去沙灘先着人字拖，如今，愛用趾公夾住對膠拖襯衫的人比比皆是。一來方便凉爽，二來人字拖搭帶上多以鮮色、金屬、螢光色系作主要元素，有的連鞋面都印上玩味的圖騰，增添了不少時尚味道。過往，拖鞋款式偏向人字款或一字帶，今季則見到更多的丁字帶款式，穿着起來較一般拖鞋款式更緊貼腳形，不易鬆脫，亦顯得更女性化。另外，不少品牌亦一反傳統，將人字拖鞋的圖案變成鴛鴦配，左右不同的圖案，玩味十足，為平凡的人字拖帶來可愛別致的感覺。
硬膠物料
夏天感覺繽紛燦爛，所以人字拖的顏色及圖案設計越搶眼越好，即使淨色款式，顏色亦要Sharp爆，如果搭帶上再加入細節，如立體花、彩石或仿窩釘點綴等，就更加有睇頭。不過，款式以外，鞋底的物料亦很關鍵，大部份的人字拖都是橡膠底，雖然軟身的膠料輕身得來不會刮腳，可是經過日曬加海水中的鹽份多次冲刷，顏色有可能會褪色。反而，硬膠拖無論踢住去街或沙灘都沒問題，也無懼沙泥和海水的威脅，用水一冲，沙泥無晒，用毛巾一抹仲可即乾！最後提提你，若想令雙腳看來修長一點，就要穿厚底人字拖增高，拉長線條比例。
Converse（21753688）
尖沙嘴海港城港威商場2509號舖
iPANEMA（22700731）
銅鑼灣崇光百貨4樓專櫃
JuicyCouture（35862017）
中環ifcmall3077-78號舖
Melissa（31060111）
尖沙嘴海港城港威商場2604A號舖
YSL（21110136）
銅鑼灣時代廣場連卡佛專櫃