拓荒者大前鋒阿域治（圖），上星期五喺球會官網blog度自爆，話上個月26號唔舒服入院，本來以為自己因為食錯嘢，點知原來係血液中有致命病毒！呢位6呎11吋嘅大前鋒仲話好彩發現得快，唔係隨時命仔都可以冇埋。最後冇事，呢位德州大學出身嘅球員就話好多謝照顧佢嘅醫護人員同屋企人嘅支持。雖然因為傷病而冇得打倫奧，不過身體健康先最重要！