甚受潮人喜愛的Monster耳機，憑住創意特色的設計，在享受音樂的同時，逐漸有成為飾物的趨勢，唔少人掛在頸邊當頸巾！嚟緊Monster更打算將耳機潮流服裝化，可以換頭帶Headband顏色，襯衫認真一流！
記者：許福合
攝影：伍慶泉
Model：LuLu
換Headband日日變身
這款Inspiration與以往Monster耳機外形風格都不同，全耳頭戴式設計，有黑、白及灰色，看似少了潮味，但多了專業耳機的觀感。而且作為Monster耳機一員，外形當然不會如此簡單，原來耳機頭頂的Headband是可以轉換的，輕輕一推就可將Headband從耳機退出，換上其他款式的設計，暫時所見有淨色，亦有各式銀片、珠片的款式，而且Monster還打算每季都推出新款Headband，同時裝服飾睇齊，可以每季轉款！
全耳式的設計，本身就已經有一定的隔音能力，Inspiration還內置有ActiveNoiseCancellation，即使身在大街，都可降低環境噪音的影響，聽到更多的音樂，而且在電池用盡後，仍可提供標準的音樂效果！
音色有別以往Monster
講到外形如何突出、型格都好，耳機最重要都係聽歌，自然要講音質，筆者搵來亦軒耳機Mingo親耳試聽一下這款新耳機。向有「金耳朵」之稱的Mingo，試聽完的第一句就是「與Monster耳機不同！」Monster耳機向來都係聽Pop、Rock音樂出名，注重Bass，Mingo認為Inspiration在人聲的發揮上相當有驚喜，人聲清甜，但Bass低音相對變弱了，整體音感與以往的Monster耳機有好大分別。他還提到可能為了提升隔音效果，耳機兩邊會以加壓夾住耳仔，舒適度一般，不太適合長時間煲碟。
與Diesel聯乘出稜角
與意大利時裝品牌Diesel玩Crossover推出的DieselVektr，使用半耳頭戴式，全黑色設計，特色是兩邊使用有稜角的多面設計，戴起來好有立體感，表面近似鋼琴面，光線照射時略帶反光非常美觀，但同時容易印上手指模。Mingo試聽評語是：「音質較接近Monster耳機風格，但Bass仍然略少，聲底亦唔夠厚，不過聽落相當清爽。」Mingo還提到他只用iPhone試聽，都算幾好推，加上耳機好輕身，戴耐啲都唔多覺。
加水晶閃石玩浮誇
DiamondTears完全可滿足晒潮人將耳機當潮物嘅要求，戴上這個DiamondTears耳機，自然搶眼非常，兩邊使用水晶透光層設計，會隨光線有不同顏色折射，非常閃、非常浮誇，非常符合潮人要求！Mingo指出年輕潮人就係要突出自己，DiamondTears正好啱晒佢哋。至於音質，Mingo試聽後，認為DiamondTears最有Monster耳機風格，聽慣Monster都應該無投訴。
查詢：大昌行（22621173）