唔少明星都有娃娃臉，個樣似食咗防腐劑咁唔識老，好似糖妹咁，早前去咗澳門做騷，當日同場仲有位廣告童星諾琳，佢兩個喺騷後仲影咗張合照，有網友睇完就話糖妹望落同諾琳一樣大，仲好抵死咁幫佢哋起咗個組合名叫「萌爆組合」，家張相仲喺澳門hit爆，連糖妹自己都話估佢唔到：「真係意外到爆，我都已經24歲，張相可以拎嚟炫耀。」