陳豪在劇集《心戰》中飾演魔術師，卻被網民狠批他經常假手於人，找替身變魔術，他昨日與任他替身的魔術師一起表演魔術，陳豪雞手鴨腳，他強調劇中有六成魔術戲份都是親自上陣，還說早就略懂一些小魔術。
一班《心戰》演員陳豪、邵美琪、蔣志光等昨日在將軍澳做宣傳，但不見陳茵媺（Aimee），陳豪代女友解釋：「佢病咗，所以嚟唔到，可能最近太操勞，捱到病，休息多啲就冇事啦。」一班演員在現場表演魔術，陳豪與真正魔術師一起表演，但就顯得雞手鴨腳。
六成戲親自上陣
陳豪在劇中飾演魔術師，表演不同魔術，但有眼利網民不滿陳豪表演魔術時，經常用替身，直指那雙靈活的魔術手並非陳豪本人，陳豪即時否認，他說：「我有自己做㗎，咪當我冇做過呀，師父就幫我做啲大型嘅魔術，邊睇得出唔係我隻手，都好自然喎，其實有六成都係我自己做，大家真係睇得出我未拍呢套劇之前都識幾招小魔術㗎，不過就冇玩過畀Aimee睇。」而昨日的魔術師正是陳豪的替身，陳豪表示每當有魔術戲份，對方都會在場指導。
邵美琪唔覺血腥
對於有雜誌指陳豪與Aimee扮情侶，只為合作搵銀，其實二人是同性戀者，各有各玩，陳豪笑言：「諗大咗，大吉利是。」《心戰》被指過份血腥，不合師奶口味，邵美琪表示有些場面只為帶出劇集的故事性，如果太簡單就不吸引，她說：「唔係唔啱師奶口味，只係佢哋太忙，要湊仔做家務，冇時間去理解個劇情啫，我媽咪都有唔明，佢都有問我，解釋咗就會明㗎。」
採訪、攝影：胡比
