劉美君（Prudence）、曹敏莉和王愛倫昨日到鑽石山出席奧比斯活動。現年47歲的Prudence透露下月會返美國逗留三個月，皆因其27歲的兒子將娶老婆，她將榮升奶奶。
Prudence興奮地說：「我好開心呀，覺得做奶奶好型，我想過多兩年做嫲嫲，相信當日我一定會爆喊。」不過，Prudence表示不會送金器給未來新抱，她說：「送金好老套，新抱仔唔係中國人，所以我送珠寶，阿仔就送錢。」
自認奄尖
Prudence指自己不會給新抱仔評分，又謂不會與囝囝和新抱一起住，自認難頂的她說：「又唔係一齊住，我咁奄尖難頂又有潔癖，佢同我住會辛苦過我，最緊要係佢哋開心。」問到Prudence有沒有家傳之寶傳給兒子？她說：「有樣珠寶係婆婆畀媽咪，媽咪畀我，我諗應該係畀個女，將來個女畀邊個都好，我死咗都睇唔到。」採訪、攝影：李珮洳