公牛名宿活列治（OrlandoWoolridge、左），上周四晚喺佢父母位於路易斯安那州嘅屋企，心臟病發逝世，享年52歲。呢位喺NBA打滾咗13年嘅大前鋒，出名得分能力強，入樽出神入化。同「波神」米高佐敦（右）及魔術手莊遜合作過嘅佢，曾經話過最鍾意同莊遜打快攻。走得咁突然，活列治一班朋友好似前公牛隊友柏臣都好難過。