傳統產婦禁忌信不信由你，但有時下產婦卻直言「冇有怕」，現年30多歲的陳太，剛誕下第二胎男丁，她對坊間傳言也感疑惑，並非樣樣跟足。她更自爆對上一胎，同樣在夏天分娩，因天氣太熱及經常出汗，曾「偷雞嘆冷氣」解暑，自言百無禁忌。
餵母乳須份外注意飲食
陳太的大仔現時約20個月大，剛臨盆誕下第二胎男丁，她憶述當年任新手媽媽時，也閱讀很多有關懷孕、產後護理的書本及相關網上資訊，「坊間有好多禁忌，我都唔知邊樣係真，覺得好迷惘！啲人話大肚婆唔准食海鮮，因為BB可能會有濕疹等敏感症；產後又唔准洗頭。我反而覺得最緊要均衡飲食，足夠飲水同睡眠，令自己放鬆啲，避免產後抑鬱症」。
陳太鼓勵港媽餵母乳，她剛誕下大仔時，每晚都要起床餵母乳，平均三至四小時一次，直言母乳對母嬰的健康有益。但也有注意事項，包括餵哺期間應減少飲酒、飲咖啡或服藥等，避免透過母乳影響嬰兒。她當年產後曾接獲親友送贈的補身藥酒，也要待停止餵母乳後才可以飲用。至於中藥補品，如鹿茸、人參等，都要避免在餵母乳期間服用。近年不少父母也只生一胎，但性格樂天的陳太則向港媽大派貼士，認為生兩個才足以維繫健康家庭，令子女可以冇咁悶」，愉快結伴成長。
《蘋果》記者