有啲球星好有架子，亦有啲好草根同親民。好似紐約人後衞JR史密夫（圖）咁，佢早前喺twitter留言，問有冇球迷有興趣同佢一齊半夜踩單車，漫遊紐約曼克頓，欣賞夜景。球迷當然叫好，而JR都冇甩底，真係有同幾位球迷踩車遊走鬧市，仲上載咗自拍照上twitter㖭！咁親民嘅作風，其他大球星同名人都可以學吓。