【本報訊】小一統一派位今日放榜，出現大批單、雙非跨境學童南下搶奪學額的上水，要向大埔區借位，擔心子女被擯出上水到大埔的港媽，終於憤怒了，高呼「雙非去遠啲」。有人堅持留下，不過也有少數港媽「投降」，舉家搬離上水，用腳向政府失誤抗議。記者：倪清江
新學年跨境學童將增加5,000人，達到1.7萬人，主要湧到北區。區內屬80校網的上水，今年統一派位學額只有655個，另向大埔借230個，但仍欠逾600個位，教育局最終安排加開16班小一和每班增加2人，籌集約650個學額應付。同屬北區的粉嶺（81網），則沒有向大埔借位。
教育局不惜違反所倡的就近入學原則，跨遠區借位，可見已無計可施。有子女升小一的上水家長，莫不人心惶惶，指摘雙非搶學額。
難照顧兩女跨區上學
讀K3長女獲派區內小學的湯太日前表示，沒有填報大埔的小學，「我仲有個細女，一個大人點可以兼顧兩個細嘅去大埔讀書？」她說若仍被派到大埔小學，會向區內小學叩門，「本港居民喺度（上水）居住，都冇學額畀佢哋，真係難以想像，都唔知係乜嘢政府」！
另一港媽莊太也為兒子能否入讀區內心儀小學而緊張，「（雙非童）搞到我哋冇位讀書，反正佢哋都跨區，就去遠啲啦」。她居於公屋，想搬到不受跨境童威脅的區域並不容易，她也不願妥協，「佢哋唔就我哋，要我哋避，住喺呢度做乜要避走大埔？」
幼子明年才升小一的容女士已驚定先，「不如雙非去大埔啦，點解政府唔優惠本地學生？」不過她直言，正考慮搬出上水，「早啲預備，否則到時爭唔到位，派去唔好嘅學校，臨到最後會好徬徨」。
上水惠州幼稚園（分校）三分一學生是跨境學童。校長黃淑珍透露，將升小一的K3學生中，有約五人已遷到粉嶺或九龍，「家長好擔心仲留喺度，最驚派去大埔，讀六年流流長。舊年冇聽過咁樣，今年走得就走」。
有區內校長透露，部份家長並非真的已搬出上水，「有啲喺第二區有第二間屋，就報嗰間，或者報阿爺阿嫲住址」。