皇家馬德里同好多強隊一樣，都係季季出波衫。日前呢隊應屆西甲盟主就正式向外公佈2012/13球季嘅主場同作客球衣，仲搵番陣中班球星例如係賓施馬（圖）、沙比阿朗素同埋卡卡嚟做模特兒。但係，件主場波衫個款似乎麻麻哋，衫領同袖領都有藍邊，望落冇全白色咁搶眼。另外，西超盃由下年開始喺中國進行，仲會打7年，換言之皇馬對巴塞嘅國家打吡有望喺神州上演。