蘋果證明一部手機不在乎硬件有幾勁，最緊要識包裝。三星旗艦手機GSIII借力打力學iPhone玩貼心，更挾未出已獲900萬部訂單之氣勢，在港震撼曝光！其融入肢體動作偵測、揮手啟動各式功能嘅玩法，確實將手機操作變得更瀟灑靈活。
記者：陳國輝
攝影：伍慶泉
揮手操控需適應
過往MultiTouch操作已算玩法多變，篤下芒就可以為所欲為，而GSIII標榜「人性設計、自然演繹」，首創MotionWiz（動作操控）技術，就連篤芒睇Menu都慳番，玩法更多。例如拍打機頂，畫面會跳回頁頂位置；用手掌遮擋屏幕，可暫停播放中嘅電影或音樂；甚至你閉上雙眼，屏幕就會進入SleepMode，毋須左篤右搵，人性化得有點嚇人！
這類影像偵測再啟動分唇嘅動作，涉及大量分析運算，而GSIII首配四核處理器，當然綽綽有餘。不過現場試玩十幾分鐘，未算得心應手，唔係話新機表現強差人意，只係像MutliTouch初面世時，操作方式太新穎，需時間慢慢人機合一。
難唔難用？
閉眼
閉眼一會，畫面出現「眼仔」後進入休眠模式，不過成功率極低。
先達Sales：GSIII炒唔過
其實歐洲地區已搶先開賣GSIII，用家想知香港夠唔夠貨賣，而炒家就最想知有無得炒先？先達Sales不諱言，如諗住學iPhone4S咁炒貴五、六成，肯定失望而回。佢解釋話雖然預期頭批貨供應不足，但只約兩星期便有「大貨」到港，即係話炒家難以借缺貨為名托高個價。另一方面，因水機返貨價高昂，暫時未考慮會出售水貨。至於行機消息，係會先賣白色機，藍色將於兩星期後先正式推出。
水貨無賺頭
「外國首日開賣貨源已經好缺，返貨價亦同行貨太接近，除非行水差價能擴闊至$1,000，否則暫時都只會賣行機。」
日版多RAM
「如果想玩日版GSIII（即SC-06D），最快六月中先返貨，但留意處理器將會由四核心變成雙核心，記憶體則升至2GB。」
SamsungGalaxySIII
系統：Android4.0.4ICS
制式：WCDMA/GSM四頻
處理器：1.4GHz四核心處理器
屏幕：4.8吋HDSUPERAMOLED
相機：800萬像素
記憶體：內置16GB
查詢：Samsung（36984698）
