有名宿舒米高返嚟做親善大使嘅曼聯，落實喺下個月25號去中國進行季前集訓，同上海申花踢場熱身賽。上海同香港都算近，坐飛機唔使3粒鐘就到，所以曼聯返大陸比賽，對本港嘅紅魔躉嚟講絕對係好消息。而曼聯亦誠意十足，派咗傑斯（左三）去上海先打聲招呼，但係傑斯成38歲，前日出席完球隊官方汽車贊助商雪佛蘭嘅活動，轉頭即刻要飛上海，咪話唔辛苦。