喺歐聯4強次回合對巴塞攞紅牌，搞到打唔到決賽嘅車路士隊長泰利（圖），日前俾歐洲足協秋後算賬，罰佢坐多兩場波監。換言之，車路士下季對馬德里體育會場歐超盃，同埋歐聯首場分組賽，都唔使預呢位31歲嘅英格蘭國腳中堅。雖然佢季初要喺歐洲賽小休，不過就可以專注打英超，對車路士未嘗唔係一件好事。