咩叫皇帝女唔憂嫁？哥迪奧拿（圖）就係人辦，唔教巴塞隆拿後，就想休息1年先，不過以佢4季為巴塞攞14隻獎盃，其他球隊又點會唔流口水。英國《太陽報》報道，車仔班主阿巴莫域治就好想搵佢做新任領隊，不過哥帥就好大牌，講明：「搵我都得，不過要單對單傾條件。」搞到好似劉備要三顧草廬，先搵到孔明出山咁厲害。