楊恭如、汪詩詩及胞妹汪圓圓昨日在金鐘出席鞋履品牌活動，楊恭如長期在內地拍劇，是否搵人仔換大屋？她說：「唔係，香港嗰間屋仲供緊，香港及內地一間，都係自住。」感情生活？她說：「冇時間拍拖，都有人追，不過唔啱，都係做朋友好啲，又唔覺得dry。」早前梁思浩爆亞姐要陪客，她說未有聽聞：「我95年選嗰時冇呢啲嘢，冇私底下約會，自己冇試過身不由己嘅事。」
汪詩詩透露7月會陪甄子丹到紐約出席電影周，會否帶子女同行，她說：「仔要返學，佢家都學緊跆拳道，啱啱考咗黃帶。」問圓圓有否與男友蔡加讚拍攝脷叠脷親密照，她說：「唔會，好親密嘅嘢唔需要影相。」
採訪：盧妹
攝影：陳志嵐