張栢芝出席完康城影展，日前已返咗香港。影展舉行時栢芝同韓國型男張東健演嘅《危險關係》，喺當地播放，唔少當地法國人捧場，有位老人家睇完話好欣賞栢芝，仲搵栢芝合照留念。栢芝就話好開心：「呢啲係劇組所有人嘅努力成果，唔係我一個人嘅力量。」栢芝戲中演一個壞女人，但栢芝覺得個角色都有值得同情嘅地方。