周汶錡（Kathy）不愛為婚姻設定金錢、住屋及日後生兒育女等計劃框架，與法籍男友JulienLepeu屢傳婚訊的她，固然沒有切實的結婚藍圖，亦未有即興拉埋天窗的衝動。她優雅示範本地品牌Moiselle的婚紗，坦言憧憬真正披嫁衣的日子，感受人生中最美的時刻，決意為愛的承諾而努力。
周汶錡當模特兒多年，穿盡婚紗、晚裝等華衣美服，但對穿婚紗仍未麻木，期待披嫁衣的美麗時刻。她說：「對婚姻有憧憬，始終係最美一刻，會諗，結婚需要兩個人協調，有安排係好，我反而冇安排。」與法籍男友JulienLepeu拍拖多年的她屢傳婚訊，難道會玩即興結婚？她卻說：「係兩個人配合，唔係日日有呢個感覺，我會努力。」
冇盛女壓力
盛女成為熱話，Kathy有留意盛女與日俱增的問題，但她對婚姻不感壓力，家人亦未有施壓。她說：「有計劃係好，婚後有幾多個小朋友，要幾多錢，但大肚時已諗定小學返邊間，咁就好怕。香港人要放鬆，唔諗太多可能更開心，唔好過份計劃，鍾意有方向，但唔好設界限。」
Kathy認為追求美麗是喜悅，在心中已有未來嫁衣的草圖，所示範的Moiselle婚紗亦hit中她的要求：「我着衫鍾意輕巧舒服，同時鍾意detail位，象牙色拼白色婚紗上面有閃石，上身有detail位，下身裙襬多層次，唔需要好多配飾就好shiny，打燈落去有blingbling效果。」
愛成熟藍調
在本地眾多模特兒中，Kathy可算是工作後仍dressup的勤力一族，她緊貼潮流，愛將流行的元素放上身，今季愛玩色。她說：「最愛黑色，間中有color，人生有時好悶，所以乜都試，有時要bling下。彩藍色晚裝顏色特別，唔需要太多配搭，好高貴，有成熟美。」
體貼女人心
Moiselle太子爺陳柏熹接掌設計大旗，在市場學上亦下苦功，在本港及內地搞時裝騷，今個月還將品牌來年的春夏服帶到巴黎「Who'sNext」展覽，不過母親徐巧嬌仍未對公司完全放手。他說：「媽咪仲睇住，至於設計方面，佢會尊重我，只係從旁灌輸女性思想畀我，例如設計背心係好，但女士怕肥，着背心唔好睇，咁我就加細緻位修飾。」聽取母親意見，他在連身裙胸部、臀部及腰部加上圓形皮革綴飾，在肩膊及腰線配串珠，為女士打造S形身段視效。
採訪：林嘉慈
攝影：陳慧安
化妝：Omixb
髮型：AsonofHAiRSalon
場地：Moiselle（銅鑼灣）