「安息啦！主腦同兇手都得到懲罰。我同個仔你都唔使擔心，輪迴去到下一世，你都要好好過日子。」案件上周結案陳詞時，霞姐丈夫劉炳新拜祭亡妻盡吐心底話。霞姐13年前遭冷血殺害，劉炳新陷入苦難中，但在兒子鼓勵下努力撐過去。事件終於告一段落，他但願曾經幸福的一家人在不同的國度繼續開心過活。
「永記她有正義之心」
1999年9月22日清晨，劉炳新跑到妻子在深水埗的報攤時，嚇得目瞪口呆，「佢滿身鮮血瞓喺血灘，個兇手能夠對一個女人仔下咁嘅毒手，係冇人性嘅行為」。兇手逃之夭夭，劉炳新深深不忿。痛失摯愛，他不斷往黑洞裏鑽，買下巨額保險，打算一死了之。幸兒子對他說「我唔係要你啲保險金，我今日冇咗媽咪，我唔想冇咗爸爸」，將他從死神手中扯回來。
劉炳新一直未能釋懷，直至05年兇手落網，他豁然開朗，「可以話喺苦難中逃脫出嚟，成個人清醒咗」。他說，霞姐少了向他報夢，擔子輕了，他積極生活，照顧兒子，看着兒子成家立室。
謀殺案的幕後主腦三年前被捕，劉炳新說消息沒有05年時般震撼，也某程度上增添他一點煩惱，因他又要出庭提到霞姐遇害，他都忍不住哽咽，「每一次作供，根本我心情係好惡劣，我內心好矛盾，我應該係忘記定繼續諗番以前嘅嘢呢」。幸篤信佛教的他在信仰幫助下，重新淨化心靈。
事隔13載，各人生活都走回正軌。霞姐當日為區內報販爭取利益而被殺，劉炳新希望報販不要忘記霞姐一點功勞，「永記霞姐有個正義之心，唔好向惡勢力低頭」。事過境遷，展望將來，他只有簡單願望：「我同仔仔同個孫都能夠過住開心嘅日子」。
《蘋果》記者