【本報訊】本港4月份零售市場進一步放緩，銷貨值按年只升11.4%，遠低於市場預期的16%，若不計及農曆新年的季節性影響，今次更是自09年10月以來升幅最低的一個月。零售管理協會決定調低對第二季零售增長的預測。
記者：吳綺慧
不過，零售管理協會主席麥瑞琼認為，放緩趨勢已穩定下來，「希望家呢個水平，已經係見咗底啦！」政府統計處昨日公佈，4月份本港零售業總銷貨價值按年升11.4%，是逾兩年來表現最差，亦大幅低於3月時仍有17%的增長率。至於銷售量方面，增長更只有7.6%，遠低於3月時的13.2%。
下調今季增長預測
麥瑞琼表示，除了去年零售市場特別「瘋狂」之外，以往的4至6月通常是淡季，故表現較為遜色是可以接受，「今年我哋有一個『最濕的4月』，大約67%日子都係落雨，都幾影響生意。不過無可否認，我哋感覺到內地客嘅買嘢意欲係低咗，呢個亦係放緩嘅主要原因。」
由於一踏入第二季就有一個「唔好嘅開始」，故麥瑞琼調低對本季零售增長預測，由原本12%至15%，降到10%至12%左右，意味5、6月的生意都會表現「一般」。「我覺得已跌到幾平穩㗎啦，國內客嘅影響真係好大。如果扣除通脹，現時零售實際升幅只有單位數字，如果中國經濟、歐洲形勢唔再惡化，我希望家呢個增長水平已經係見底。」
她又說，根據其他零售商意見，5月份生意僅屬一般，尤其鐘錶及珠寶，同店銷售只有單位數增長，「珠寶零售商普遍唔睇好下半年，唔覺得會有反彈，已經轉番保守啲。有公司決定要重新審視今年嘅擴充計劃，唔再咁盲目開舖，要理性啲。」
港府：旅遊業仍暢旺
麥瑞琼暫時仍維持今年全年零售額按年升12%至15%的預測，她指去年第四季比較基數已經「無咁高」，故增長幅度有望改善，「可能我仲係樂觀少少，不過我唔覺得香港零售會喺天跌落嚟，應該會係維持膠着狀態。」
政府發言人指，4月份銷售是較年初稍為放緩，不過相信在勞工市場和旅遊業仍頗為暢旺的情況下，短期仍為零售業提供一定支持。政府會密切留意近日外圍的不明朗因素，以及股票市場回落，會如何影響本地消費信心。