年前以隊長身份帶領日本女足奪世盃嘅澤穗希（圖），人氣依然強勁，佢嘅最新廣告會於今周出街。今次澤穗希首次幫女性化妝品拍CM，產品賣點係保濕，搵嚟經常日曬雨淋嘅澤穗希做代言人最適合。其實，澤穗希早前都幫運動飲品拍CM，只不過香港睇到嘅只係本田圭佑、石川遼同北島康介「ThreeKings」個版本，所以睇唔到希姐打拳。