馬國明同張慧雯噚日喺銅鑼灣出席呼籲不吸煙活動，佢哋兩個都唔係煙民，張慧雯話未拍過親熱戲，所以冇遇過拍檔食完煙即咀，馬國明驚訝話：「你冇拍過咀戲㗎？」記者笑馬國明吼住張慧雯，佢話怕張慧雯粉絲呷醋。另外，馬國明會先拍《衝上雲霄2》，之後拍《OnCall36小時》續集，仲會同吳啟華合作，佢話：「啟華會做番程志美醫生。」