香港小姐競選正式開鑼！噚日20位本地佳麗分別到又一城同利舞台嘅Salon整頭，遲啲仲有約十個海外佳麗加入，入圍佳麗包括「長腿羨妮」湯鎮業姪女湯洛雯、「人微妍希」ChristyChan、「V煞」Nicki、「發夢夢」CaratCheung、「大面法拉」楊斯雅（Cindy）同2010年工展小姐冠軍黃穎君（Burmie）等，不過佢哋喺Salon大約一個鐘就閃，整頭前後變化都唔大。
湯洛雯低調封口
喺香港嗰邊整頭嘅人微妍希，之前俾人投訴佢開嘅時裝店賣假貨，佢噚日乘機解畫，話一年前同個客有誤會爭拗，海關嚟查過證實佢哋冇賣假嘢。喺九龍嗰邊，啲記者本來想訪問湯洛雯，但佢話大會講咗唔做得訪問，不過同場嘅Burmie被問到之前有攬仔相流出嘅事就講到唔收口，佢解釋話啲仔係朋友嚟，至於被人話濫，Burmie話自己唔係咁嘅人。
整完頭髮之後，啲佳麗各自散，其中有個叫Levia就留喺又一城美食廣場食十幾蚊嘅慳家下午茶餐，另一個Kaylie就搭港鐵返天水圍天瑞邨瑞勝樓寓所。
若讀者知道這班入圍佳麗的底細，歡迎電郵至mailto:[email protected]報料。