馬德鐘自從發生陳嘉桓事件之後，去到邊都帶埋老婆張筱蘭，早排兩公婆仲上埋北京《夫妻天下》電視節目，大談夫妻相處之道，仲破天荒首次喺螢光幕合唱《因為愛情》，馬太初試啼聲俾主持人大讚歌喉，提議佢哋夫妻檔登台，馬太好怕醜咁拒絕話只係玩下，但馬德鐘就拍晒老婆馬屁：「如果太太肯，都可以考慮。」