Angelababy在韓延導演新片《第一次》中飽受苦頭，為一幕跳舞場面，每日苦練之餘，更通宵狂跳八粒鐘，雙腿變得紅腫兼發瘀，除了皮肉之苦，她更因多場喊戲令雙眼發炎，要暫停拍攝到醫院求診，認真辛苦！
女神Angelababy轉戰電影後片約不斷，成為影壇新寵兒，不過Baby為《第一次》吃盡苦頭，拍攝前，她每日學跳舞，拍攝時，她通宵狂跳八粒鐘，期間多次不慎跌倒，令緋聞男友兼男主角趙又廷心痛，不時緊張慰問，Baby說：「連續拍咗八個鐘不停旋轉，跌咗好多次，搞到對腳又紅又瘀，真係難過拍動作片，拍完要助手扶住我先行到路。」
醫院求診
除了要在戲中跳舞外，更有多場喊戲，令Baby雙眼飽受發炎之苦，不停流眼水，最後更要暫停拍攝去醫院求診。醫生指Baby眼角膜受傷，故劇組只好改期再拍，雖然吃盡苦頭，但她慶幸得到令自己感動的角色：「我本身都好鍾意跳舞，今次可以趁機學跳，而且個角色最後喺舞台上燃燒自己生命，真係好過癮。」她又透露週日與趙又廷連走赤柱、旺角及中環，為新片造勢。
撰文：盧妹