【本報訊】女教友K小姐上周在基督教網上刊物《時代論壇》刊登公開信稱，去年隨男上司X先生到台灣參加基督教活動其間遭強姦，惟教會牧者縱容「教會之狼」，勸她不要報警。K小姐昨對本報稱，香港國際全備福音商人團契總監陳世強等「牧者」勸她，透過民事訴訟，索償無理解僱的金錢賠償了事。X先生則對外聲稱，K小姐因「錢銀轇轕」誣告他強姦；而陳世強就否認曾勸阻受害人報警。
記者：袁慧妍、林偉聰
女教友K小姐昨透過電話向本報講述事件。她表示，前年透過商人團契總監陳世強認識X先生，去年加入X的地產公司任秘書；9月台灣舉行全球華人全福大會，X先生是商人團契成員，邀她同到台灣參加，公司資助費用作培訓。
K小姐說，X先生當時表示會延長台灣之旅作為公司旅行，其間會討論擴大公司業務等事宜，「佢話想喺一個輕鬆啲嘅環境傾公司發展，因為我係秘書，所以要幫佢book（預訂）埋旅館。」
稱X先生曾以電郵道歉
K小姐說，回港前夕X先生卻在旅館把她強姦，「我係唔願意，我有掙扎，我有喊。佢㩒住我，我走唔甩。」事發後K小姐到當地警署報案，回港後也立即聯絡X先生的教會牧者及陳世強求助，惟他們均指「報警冇用」，着K小姐饒恕X先生。
遭強姦後，K小姐更被X先生解僱，「陳世強同X先生好熟，X先生會叫佢做爸爸；佢哋幾個牧者叫我唔好報警，然後教我去勞工處告X先生，或者經民事索償，可以拎番冇得返工嘅錢。我唔係想要啲錢，我只係想要一個公道。」索償卻成為對方轉移視線的工具，「X先話旅館係我book嘅，仲同身邊啲人講話我勒索佢；我覺得好委屈，受咗好大壓力，我驚我就快死。」
K小姐今年初終在朋友協助下報案，並要求平機會介入調查；K小姐表示，X先生曾以電郵向她道歉，承認傷害K小姐及欺騙她的信任。平機會昨進行首次調解，K小姐指X先生否認電郵內容，更拒絕繼續調解。
陳世強：關我哋咩事？
陳世強回應查詢時則表示，他和其他牧者只是「愛心輔導」K小姐，事發後他只見過K小姐一次，「佢哋活動後自己去旅行，關我哋咩事？我點會叫佢唔好報警。」
他並否認與X先生或K小姐腍熟，「我哋個團契有頭有面，好多人識我；佢（X先生）係團契會員，佢尊敬我先嗌我做爸爸。」
陳世強稱，X先生已主動退出團契及已經就事件報警，「件事好複雜，當中有錢銀轇轕。」本報曾致電X先生了解事件，X先生拒絕回應，惟自爆昨到平機會調解。