【本報訊】獲歐國盃獨家播映權的nowTV，昨日趁歐國盃倒數10日，大sell「去到邊nowTV跟住你」的「now隨身睇」應用程式；其「超強體育組合」用戶可以nowID登入，隨時隨地用手機及平板電腦，睇盡歐國盃賽事。
要睇歐國盃直播，nowTV及「now隨身睇」應用程式就是你最親蜜的戰友。「超強體育組合」的用戶，大可以安坐家中與波友齊齊睇，就算夜返屋企，亦不怕錯過賽事；因為只要以nowID登入智能手機、平板或個人電腦等，即可任何地方看直播。此舉簡直益街坊，只要now用戶肯將nowID提供給非用戶（但同一時間只可一個用戶登入），受惠者即可免費收看歐國盃，以及該用戶已購買的頻道。
now公關部發言人昨日表示，他們兩周前推出「now隨身睇」，主要想方便用戶可收看不同頻道的節目，包括歐國盃、NBA及高球賽事等（詳情可到nowplayer.now.com瀏覽）。
另外，nowTV昨預告，下月初將推出「歐國盃官方應用程式」，內容包括最新球賽影像、多角度自選片段、各隊在更衣室的賽前片段、賽果和排名等，費用為19.9美元（約154港元）。