馬浚偉（馬仔）近日在橫店拍攝內地電視劇《鴛鴦佩》，其穿上紅色長袍配黑帽子的新郎造型，被笑似足當年劉青雲和吳倩蓮合演的電影《呆佬拜壽》，而馬仔穿上一身紅噹噹戲服後即綻現儍痴痴的笑容，連女主角張檬都被逗得哭笑不得。
觀摩波叔演技
被指似呆佬的馬仔笑言不會介意，因為劉青雲和吳倩蓮都是他欣賞的演員，他說：「部戲我都有睇過，就連梁醒波同紫羅蓮嗰套我都有睇過，其實我今次呢個角色一啲都唔傻，只係為人踏實樂觀又冇機心，連防人之心都冇，好似呢啲咁易呃嘅人真係唔多，就係咁會俾人覺得佢有啲儍啫。」撰文：林妃