公牛專欄作家史密夫周一喺專欄爆料，話湖人大前鋒加素（圖）有興趣離隊轉投公牛。加素想走又唔係冇道理，因為佢今季已經先後同球隊高層以及拜恩炒大鑊；不過，佢份差不多1,900萬美元（約1.47億港元）年薪嘅合約，公牛又點鯁得落？史密夫話可以用丹治再加其他人換喎。吹到似層層咁，公牛班底夾慣夾熟，又點會隨便郁動呀？