拉科魯尼亞（圖）喺星期日嘅西乙聯賽，主場以2:1反勝侯爾斯卡。家聯賽剩番一輪，拉科領先第2位嘅切爾達4分，所以佢哋肯定捧走今季西乙冠軍，同埋喺降班一季後再次升番上甲組。拉科可以升班，全靠36歲嘅中場華拿朗寶刀未老，今季聯賽足足踢咗39場波！丙組方面，皇馬B隊亦肯定升班，下季可以同巴塞B隊喺西乙上演小型國家打吡。