雖然唔少球迷都認為，今屆歐國盃主辦國之一嘅烏克蘭都係陪跑居多，喺分組賽出線都成問題，不過佢哋喺近期嘅熱身賽表現絕對唔曳，上年11月就試過3:3賽和德國；呢支東道主啱啱就約咗愛沙尼亞拍跳，結果烏克蘭喺主場向對手派咗4隻光蛋，兼取得國際賽3連勝；另外烏克蘭「軍刀」舒夫真高今場只係下半場後備上陣，並無進賬。