現年27歲的模特兒傅嘉莉（Kelly）早前成為澳門Galaxy酒店的代言人，她在廣告中穿上性感比堅尼，鏡頭前Kelly享受美食和嘆spa等，看似很嘆，實質當日她帶病上陣，她說：「一早開工就發現皮膚突然出紅疹，當時擔心到幾乎喊，成班工作人員都好緊張，好彩之後狂飲水啲疹開始退，一連拍咗幾日，好彩順利完成。」
Kelly坦言今次廣告酬勞不俗，早前她拍了航空公司和汽車廣告，最近又簽了無綫，年紀輕輕已是模界小富婆，她說：「我嘅目標係買樓收租，其實近期除咗拍廣告，都有拍電影，希望磨練演技，好似李心潔同林嘉欣咁做實力派演員，又希望做到好似前輩葉德嫻咁，試唔同角色。」
撰文：唐如