【本報訊】民政事務局副局長許曉暉盛傳已獲中央接納，「篤定」任新一屆政府增設的文化局局長。連日四出解畫的許曉暉，仍舊未能打動部份文化界人士「芳心」；次文化堂社長彭志銘不支持許曉暉任局長，八和會館副主席阮兆輝也將許視為次選，嘆指：「仲有冇第三個（人選）呀？」
「有冇第三個呀」
許曉暉昨出席一公開場合時，未有回應傳媒查詢。彭志銘則在商台節目中指出，業界對許曉暉並不熟悉，並譏諷：「淨係識去上環文娛中心睇表演嘅人，你點可能有機會帶領我哋香港，或者可以幫香港推高我哋香港人嘅文化質素？」他認為盛傳已「墮馬」的黃英琦具文化視野，亦有能力制訂文化政策，是較適合人選。
出席同一節目的阮兆輝被問到許曉暉任局長時，慨嘆道：「仲有冇第三個呀？」他無奈地稱，若只能從許、黃中二擇其一，會選前者，因為許較願意聆聽別人意見，黃則太「洋化」。
阮、彭二人亦在節目中談到，被拒登記為體育、演藝、文化及出版界功能組別選民一事。阮兆輝怒斥此界別不應包括多個互不相干的範圍，更點名批評立法會該界別代表霍震霆「坐咗喺度十幾年冇講嘢」，強調有必要檢討功能組別存廢；彭志銘亦狠批功能組別「廢到嘔」：「（點解）咁廢嘅嘢仍然可以留喺度呢？」