無綫港男和巨聲幫被爆跟富家公子劉定成過從甚密，有指翟威廉、羅孝勇和吳業坤等出席過劉公子在酒店舉行的飯局，翟威廉昨日堅稱當晚只是慶功宴，並非「揀仔派對」。對於劉定成的涉嫌非禮和用裸照恐嚇男藝人案，昨日被判罪成，翟威廉指劉將得到判刑教訓，但不會問候他。
富家公子劉定成涉嫌非禮及用裸照恐嚇男藝人案昨日被判罪名成立，還押至下月12日候判。近日無綫港男翟威廉、巨聲幫的羅孝勇、胡鴻鈞、陳國峰和謝東閔等被爆曾出席劉定成的「揀仔派對」，翟威廉昨日即遭無綫製作資源部總監樂易玲照肺。
吳業坤收劉公子電話
翟威廉昨日解釋當晚在酒店派對的照片是兩年前他獲選港男後，劉定成契仔、4anda成員盧昕傑代為搞慶功聯誼，當晚廣邀同屆港男、港姐和巨聲幫撐場，席間只是唱歌吹水。對於劉定成被判罪成，翟威廉昨日在電話中說：「我做人宗旨係當得人哋朋友，我唔會問佢出身或性取向，佢家罪成都要面對應得教訓。我唔會同佢劃清界線，但既然呢個時間咁敏感，咪少見啲，出少句聲當幫忙。」
翟威廉不滿有報道暗示他跟劉定成有曖眛關係，他說：「佢唔係我乜嘢秘密契爺，我只係幫過劉生繙譯日文韓文，同搵過樂譜，我哋冇不尋常關係，我對得住天地良心。」他也否認有替劉定成影裸照。
羅仲謙和吳業坤昨日在電視城出席新劇《戀愛季節》試造型，有份演出的翟威廉昨卻臨時缺席，無綫外事部副總監曾醒明事後代翟威廉說：「翟威廉否認佢係劉生嘅秘密情人，大家係因為盧昕傑而認識，佢強烈否認自己影過裸照。」樂易玲也勸告翟威廉要注意形象。
羅仲謙被問到劉定成被判罪成，他說：「我都係你哋講先知，我哋冇聯絡。」吳業坤承認當晚飯局有與劉定成傾偈，他說：「傾閒偈，可能我唔夠靚仔，我又唔係紀律部隊同謙謙（羅仲謙）。」吳業坤稱只有合照，沒影裸照，但他爆料指事後劉定成有致電他，他說：「佢打嚟傾咗兩句，但我唔係好想答，佢唔係挑逗我，只係閒話家常，話題搭唔到嘴，我對佢冇興趣。」
採訪、攝影：何慧斯、比華利
