今年37歲嘅郭羨妮（Sonija）舊年嫁咗畀內地武指朱少杰，上個禮拜二佢為老公剖腹生咗重6磅1安士嘅小龍女，母女平安。首次做媽媽嘅Sonija亦急不及待分享做媽媽嘅喜悅，小B女遺傳咗媽咪嘅靚樣，鼻嘴都似足媽咪。
賀佘詩曼牛一
雖然Sonija係新手媽媽，但係湊女技巧好純熟，餵奶同換片都零難度，家佢專注湊女，有時間仲會上微博，前晚十點幾佢上載咗張小B女嘅大頭側面新相，只見小B女笑到雙眼好似粒腰果，嘴角仔翹起，非常精靈可愛，Sonija亦預告忙於做媽媽非常忙碌，佢寫：「非常感謝各方好友的祝福，抱歉不能逐一回覆，新手媽媽正為小baby隨時候命中。」
雖然Sonija咁鬼唔得閒，但係佢都冇忘記好朋友佘詩曼嘅牛一，Sonija透過微博向噚日37歲生日嘅阿佘送上祝福，認真有心。