龍媽媽羅敏莊（MiMi）昨日到新城接受訪問，已懷孕四個月的她開始見肚，身形也較之前圓潤，問到知否BB是仔定女時？她說：「之前做檢查都仲未知道，要等下個月再檢查，我都好想快啲知仔定女，因為我近排開始醜樣，若果生仔都抵，若果係女就唔抵。」
出門前MiMi突然嘔到喊，她懷疑可能BB不喜歡飲朱古力奶令她嘔出來，平日就愛吃點酸的食物。由於老公陳國邦7月回內地拍劇至10月，故近日忙於搬屋，她說：「我哋都唔理禁忌照搬，因為家地方太細，容納唔到工人，會搬去大埔較大嘅地方，好多人叫我搬屋時避一避，我提議同老公去旅行咪得。」另外MiMi拜託一位朋友為她聘請合適的菲傭。
採訪、攝影：馬建華