之前已經承認係同性戀嘅顏福偉，噚日接受商台訪問時，再次坦認同志身份，佢仲大方同大家分享佢自己嘅愛情觀，顏福偉話：「我唔接受open性愛關係，因為會呷醋！」另外顏福偉透露7、8歲時已發現自己係同志，仲話至今同過4至5個男性拍拖：「我對個個都係真嘅，而且未試過同攣男拍拖。」言下之意佢次次都係將直男變攣男。