謝霆鋒和張栢芝雖然已離婚，但為了囝囝Lucas和Quintus依然不時見面合家歡。傳有意進軍飲食界的霆鋒前晚和好友食飯，栢芝昨早則由康城回港，誰知鋒芝心靈相通，皆以白色外套情侶裝現身。
謝霆鋒和張栢芝已正式離婚，不過之前因霆鋒和栢芝帶同Quintus出席Lucas的學校活動，一度傳兩人有機會復合。之前狄波拉出席一個飲食業頒獎禮，透露霆鋒似有意進軍飲食業，前晚他相約好友如劉浩龍、鄭希怡（Yumiko）和化妝師男友Andy等一行十多人，到中環SoHo區的一間名為Yardbird餐廳食飯。
霆鋒排隊開餐
未有位前霆鋒和助手等人在車上等候，接着劉浩龍等人到達，因依然未能入座，劉浩龍和Yumiko及Andy等人唯有在門口飲酒吹水，未幾眾人即入座。約十時許謝婷婷和男友安志杰到場，一眾人又食又傾表現相當開心，直至個多鐘頭後各人才上車離去，婷婷和安志杰則從後門步行離開。當晚見霆鋒穿白外套及cap帽現身，記者影相時面露微笑，心情不錯。
另一邊廂，栢芝昨早由經理人、助手化妝師陪同下由康城返港，栢芝身穿白外套頭戴藍帽拿着白色Birkin袋步出閘口，除了戴帽外她更戴上口罩，幾乎把整塊面遮着，連眼也看不到，甫見在場記者她急步行去停車場，但仍隔着口罩回答記者問題。
栢芝上周四在康城度過32歲生日，問她回港後會否和Lucas及Quintus補祝？栢芝點頭示意。之前有指栢芝在康城頒獎禮上擔任頒獎嘉賓，但結果她只行紅地毯而已，未有機會踏上頒獎台，問栢芝此事，她說：「頒獎嘉賓都OK，我要睇咗醫生先。」霆鋒有否sms送上生日祝賀？栢芝表示：「唔講呢啲，唔該晒。」談到生日願望，栢芝聲稱沒有特別，只想首先康復。
栢芝拉帽任影
上車前栢芝竟親切地主動企定定及稍為拉高帽子給記者影相，影完她說：「要你哋咁早嚟，辛苦晒。」說畢上車離去。
採訪：梁繼光、張俊銘
攝影：楊浩賢、黃曉程、陳慧安