「呢度係我10年心血！其實成條街都係空地，政府如果好快租畀我就有得搬！」在海旁道33號做船廠生意的李先生，10年來一直相安無事，「02年開始租落呢度，月租2萬幾蚊，一直都係朱晉賢同我接頭。」
他口中的朱晉賢，正是歌手蔡卓妍（阿Sa）的姑丈，而船廠則屬阿Sa爺爺蔡祺祥所有。朱在回歸前曾任南區區議員，至07年才落選，前後在區議會工作近20年。
前區議員違約「租上租」卻害苦了李先生，「我到舊年至知，呢度係政府用短期合約租畀佢哋，佢哋唔可以再分租出去，搞到依家政府當我係一個非法佔用官地嘅人！」李先生曾向政府申請租用隔鄰空地，但未獲答覆。
阿Sa姑丈耍太極
地產商「霸地」可以，但李先生卻遭迫遷，「收地前一日我仲同地政開會，佢哋話我塊地欠租兩年，一共16萬幾！」李先生一向有交租予朱晉賢，但為了可以留低，他竟要找新地職員拿回租單正本才可交錢。怎料翌日更遭地政封廠，他氣憤說：「我交咗租仲叫我走？咁擺明呃我啫！」
有消息人士透露，勸喻船廠搬走的「幫兇」就是朱晉賢，「地產商話要綠化種樹，當時係朱晉賢做發起人，點知家一棵樹都冇。」記者連日守候終在朱的舊辦事處發現其行蹤，對於他涉違約將船排地「租上租」，朱大耍太極：「我邊有租畀人？租都收唔到，你話我有冇租出去？」
《蘋果》記者