【本報訊】「都唔知點解要偷，可能貪佢老爺啩！」72歲的陳伯7年前買了一部二手HONDACB400電單車，想不到竟被人偷走！陳伯前日將電單車擺放於黃大仙住所附近後巷，昨晨取車時始發現電單車不翼而飛，報警求助。
風馳電掣45年
與電單車結緣45年，現年72歲的陳伯任裝修搬運，每天駕電單車東奔西跑開工，被問到年紀大仍駕電單車不怕危險嗎？陳伯笑言「為咗搵食冇辦法啦！」他說因經常要到較遠地方開工，駕電單車較方便，雖然7年來日日駕着他的老爺車，「見佢（車）冇病冇痛，咪繼續揸囉！」為方便開工，被偷車後他說惟有另外買一部。
陳伯67年便考獲電單車牌，其間轉過多部電單車，70年代連電單車及BB字頭車牌購入，沒想過是「靚車牌」，曾有駕跑車人士問他會否賣車牌，他卻說「冇諗過賣」。
他的電單車沒任何防盜設施，前日傍晚5時許，陳伯將車泊在住所附近的環鳳街後巷，當時還有數部電單車泊在該處。他拔了車匙便離開，至昨晨9時許，他飲完茶返回上址取車開工，卻遍尋不獲，惟有報警，「冇諗過咁舊仲有人偷，最擔心啲人偷咗去做犯法嘅事！」